Шахтадағы апат. Ең соңғы кеншінің денесі табылды

Құтқару қызметі кейбір марқұмдардың денесі бөлшектеніп кеткенін жеткізді

Malim Админ

  • 30.10.2023

Қарағанды ​​облысындағы Костенко атындағы шахтада қаза тапқан кеншілердің соңғысының денесі бүгін  табылды. Ол шахтер Сергей Киселев екені айтылуда.  Шахтадағы  апаттан  жалпы 46 кенші қаза тапқан. Қарағанды облысының әкімі Ермағанбет Бөлекпаевтың хабарлауынша, апат кезінде шахтада 252 адам болған. Жер бетіне 205 шахтер шығарылды.

Zakon.kz-тің хабарлауынша, Төтенше жағдайлар министрлігі мен Қарағанды ​​облысы әкімдігінің баспасөз қызметтері қаза тапқан кеншілердің соңғысы табылды деген ақпаратты әзірге ресми растаған жоқ.

Оқиға орнында арнайы комиссия жұмыс істеп жатыр. Құтқару қызметі кейбір марқұмдардың денесі бөлшектеніп кеткенін жеткізді. Төтенше жағдайлар министрі С.Шәріпхановтың төрағалығымен жедел штаб жұмыс істеуде.

Бұған дейін Костенко шахтасынан қаза тапқан 45 кеншінің денесін тапты. Жұмыс бір-бірінен шамамен алты шақырым қашықтықта орналасқан екі тау-кен учаскесінің аймағында жүргізілді. Төтенше жағдайлар министрі Сырым Шәріпханов апаттың болжамды ошағын тексеру үшін шахтаға түсті.

Қарағанды ​​облысындағы Костенко атындағы шахтада қайғылы оқиға 28 қазанға қараған түні – 02:33-те болды. Жарылыс кезінде шахтада 252 адам болған, 206 кенші жер бетіне шықты, қалғандары жер астында қалды, іздеу тәулік бойы жалғасты.

Бастапқыда төрт адам қайтыс болды деп хабарланғанымен, құрбандардың нақты саны әлдеқайда көп болып шықты. Табылған 43 мәйіттің сегізі жер бетіне шығарылды, тек 5-еуі ғана анықталды.

Қарағанды, Абай және Шахтинск қалаларындағы ауруханалардың қабылдау және диагностикалық бөлімшелеріне барлығы 28 адам жеткізіліп, 24 зардап шегуші ауруханаға орналастырылды. Қарағанды ​​кеншілерінің қазасына байланысты 29 қазан Қазақстанда жалпыұлттық аза тұту күні болып жарияланды.

Байланысты жаналықтар

Әуе шоуы кезінде ұшақ апатқа ұшырады: ұшқыш қаза тапты

24.03.2025

Ұлытау облысындағы шахтада 31 жастағы жұмысшы мерт болды

19.03.2025

Ақтаудағы ұшақ апаты: тергеу қорытындысы қашан шығатыны белгілі болды

06.03.2025

«Жомарт» кенішіндегі апат. Тергеудің алдын ала қорытындылары қаралды

05.03.2025

Ақтөбе облысында жүк көлігі 33 жолаушысы бар автобуспен соқтығысты

02.03.2025

Атырау облысындағы пойыз апатынан үш адам ауыр халде жатыр

01.03.2025
MalimBlocks
Әуе шоуы кезінде ұшақ апатқа ұшырады: ұшқыш қаза тапты

22 наурызда Оңтүстік Африканың Салданья қаласында өткен Батыс жағалаудағы әуе шоуы кезінде жүздеген көрерменнің көз алдында ұшақ апат болды

Ұлытау облысындағы шахтада 31 жастағы жұмысшы мерт болды

Ақтаудағы ұшақ апаты: тергеу қорытындысы қашан шығатыны белгілі болды

«Жомарт» кенішіндегі апат. Тергеудің алдын ала қорытындылары қаралды

Оқиғаны көзімен көрген куәгерлер арасында сауалнама жүргізілді

Ақтөбе облысында жүк көлігі 33 жолаушысы бар автобуспен соқтығысты

Атырау облысындағы пойыз апатынан үш адам ауыр халде жатыр