Шығыс Қазақстан облысы Алтай ауданында 700 гектарды шарпыған өрттің беті қайтпай жатыр.
ШҚО Төтенше жағдайлар департаменті баспасөз қызметінің мәліметінше, 2 қыркүйек күні түскі уақытта Алтай ауданында ашық алаңда өрт шыққан.
Қазіргі уақытта «Зырян» орман шаруашылығы және «Быков» орманшылығына жайылған қызыл жалынның жалпы ауданы 700 гектарға жетті.
«Тілсіз жау таулы аймақта бұта мен шөпті шарпуда. Сол жерде құтқарушылар, жергілікті атқарушы орган өкілдері, орманшылар, «Қазавиаорманқорғау» мекемесінің қызметкерлері дамылсыз жұмыс істеуде. Елді мекендерге төніп тұрғын қауіп жоқ. Өртті сөндіруге барлығы 320-дан астам адам мен 25 техника жұмылдырылды», - делінген ақпаратта.
Ведомство дерегінше, ыстық ауа-райына байланысты облыста өрт қаупі әлі де жоғары. Еске сала кетейік, кеше Алтай ауданындағы дала өртінің жалпы ауданы 400 гектар болды.
Байланысты жаналықтар
MalimBlocks
Ақталғыш Ахметов, Тоқаев жолдаған «сәлем» және Сқақовтың тағдыры
Қазақстан президенті Қасым-Жомарт Тоқаев Шығыс Қазақстан облысының әкімі Даниал Ахметовке «сәлем» жолдады. Ол ШҚО әкімінің осыдан бірнеше күн бұрын айтқан сөзіне кереғар пікір білдіріп, жылыту жүйелеріндегі ақауға тек үкімет қана емес, әкімдер де кінәлі екенін айтты.