Жәкішевтің үшінші өтініші

Олжас Қасым

  • 13.02.2020

«Қазатомпром» ұлттық компаниясының экс-басшысы Мұхтар ЖӘКІШЕВ үшінші рет мерзімінен бұрын басатуды сұрап, өтініш жазды. Бұл туралы адвокаты Нұрлан БЕЙСЕКЕЕВ фейсбук парақшасында хабарлады.

«2020 жылдың 6 ақпанында Мұхтар Жәкішев үшінші рет мерзімінен бұрын босатуды сұрап, өтініш жазды. Жәкішев өтінішін Семей қаласының соты қабылдап алды» делінген жазбада.

Мұхтар Жәкішевке араша түсіп, Халықаралық ұйымдар да бірнеше рет Қазақстан билігіне сұрау салған. 2015 жылы Жәкішевтің шағымын қараған Біріккен Ұлттар Ұйымының адам құқықтары жөніндегі Комитеті Жәкішевтің құқығы бұзылғанын растап, Қазақстан билігін тұтқынды босатуға шақырған.

Ал былтыр жазда Семей қаласының соты «Қазатомпром» ұлттық компаниясының экс-басшысының мерзімінен бұрын босату туралы екінші өтінішін қарап, қанағаттандырмаған.

2018 жылы 28 қарашада Мұхтар Жәкішевтің алғашқы  арызын Семейдің №2 соты қанағаттандырмаған еді. Соттың хабарлауынша, бұған сотталушының «шығынды өтемеуі себеп болған».

55 жастағы Мұхтар Жәкішев 2009 жылы мамырда ұсталған соң сыбайлас жемқорлыққа барды деп айыпталып, 14 жылға сотталған. Қазір жазасын Семей қаласындағы қатаң режимдегі колонияда өтеп жатыр.

Былтыр Мұхтар Жәкішев хәл үстінде жатқан анасы – Раиса Жәкішевамен кездесуге, кейін анасы қайтыс болғанда жерлеуге жіберуге өтініш жасаған. Бірақ түрме басшылығы екеуінде де рұқсат бермеді.

Нұрлан Бейсекеев: «Түрмеде үшінші топ мүгедектігі расталып отырған Жәкішевтің жұмыс істеуге мүмкіндігі жоқ. Мерзімінен бұрын босатуға қарсы болған сот шешімі жоғарғы сот қаулысына қайшы» деп айтқан болатын.

Байланысты жаналықтар

Мұхтар ЖӘКІШЕВ бостандыққа шығады

03.03.2020

Дизель отынын заңсыз сатқан. Серіктестік басшысы сотталды

30.06.2022

Әлнұр Ілияшевке сот үкімі шықты

22.06.2020

Ұлттық қорды бұғаттатқан Стати жеңіліп қалыпты

17.11.2021

Қордай қақтығысы. Үкім және қарсылық: "Мен кімге сенемін, бұл қандай сот?"

28.04.2021

Қаржы пирамидасын құрған төртеу қамалды

20.04.2022
MalimBlocks
Мұхтар ЖӘКІШЕВ бостандыққа шығады

Дизель отынын заңсыз сатқан. Серіктестік басшысы сотталды

Мұнай өнімдерін иемдену, тасымалдау және өткізу мақсатында заңсыздыққа жол берген

Әлнұр Ілияшевке сот үкімі шықты

Ұлттық қорды бұғаттатқан Стати жеңіліп қалыпты

Молдова олигархтары Анатол мен Габриель Статиді («Стати») жауапқа тарту ісінде Қазақстан түбегейлі жеңіске жеткенін Әділет министрлігі хабарлады.

Қордай қақтығысы. Үкім және қарсылық: "Мен кімге сенемін, бұл қандай сот?"

Қаржы пирамидасын құрған төртеу қамалды

Олар салымшылардан 5 млрд теңге алған.