Қазақ жетімін жылатпаған, жесірін қаңғытпаған, кемтар адамға құрметпен қараған, мейірімді халық болған. Оларды кемсітіп, қорлаған адамдарға жаза тағайындалған. Және оларды қамқорлығына алып отырған. Қазіргі уақытта да бұл міндетті мемлекет толықтай мойнына алған. Арнайы жұмыспен қамту орталықтары, емделуге бөлінетін квоталар бекітілген және арнайы жәрдемақы алып тұрады. Еңбек және халықты әлеуметтік қорғау министрлігі жыл басынан бергі үш ай ішінде мүгедектігі бар және асыраушысынан айрылған адамдарға 80,4 миллиард жәрдемақы тағайындаған. Мұның сыртында мемлекеттік әлеуметтік сақтандыру қоры да жұмыс істейді. Бұл қордан жыл басынан бері аталмыш сала бойынша 9,9 миллиард теңге көлемінде төлем жүргізілген.
Әрине, өмір болған соң барлық жағдай болады. Төрт құбыласы тең адам, он екі мүшесі сау адамдармен қоса тағдыр тәлкегіне ұшыраған, қиын жағдайда қалған адамдар қай кезде де болған. Жауапты ведомство ұсынған мәліметтерге қарағанда қазір елімізде мүгедектік бойынша мемлекеттік әлеуметтік жәрдемақы алушылар саны 532,3 мың адамды құрайды. Ал, асыраушысынан айрылу бойынша жәрдемақы алатындар саны 192,7 мың адам екен.
Ал, бұл жәрдемақылар қандай шарттармен жүзеге асырылады дегенге келсек, бұл туралы жауапты ведомство мынадай мәлімет ұсынады:
«Мүгедектігі бойынша мемлекеттік әлеуметтік жәрдемақылардың мөлшері мүгедектіктің тобына және себебіне, сондай-ақ тиісті қаржы жылына арналған «Республикалық бюджет туралы» заңда белгіленген ең төменгі күнкөріс деңгейінің шамасына байланысты болады. Асыраушысынан айырылу жағдайы бойынша мемлекеттік әлеуметтік жәрдемақылардың мөлшері қайтыс болған асыраушының асырауындағы адамдардың санына, қайтыс болу себептеріне және ең төменгі күнкөріс деңгейіне байланысты болады».
Аталмыш жәрдемақылар ең төменгі күнкөріс деңгейі бойынша есептеледі. Биылдан бастап ең төменгі күнкөріс деңгейінің өскенін ескерсек, жәрдемақы да 8,5 пайызға ұлғайға. Қазіргі жағдайға байланысты мәлімет ұсынсақ, бірінші топ мүгедектері 77 889 теңге, екінші топ 62 068 теңге, үшінші топтағылар 42 190 теңге жәрдемақы алады. Оның сыртында қажет жағдайда көрсетілетін әлеуметтік төлемдер 86,5 мың адамға арнайы көмек көрсетіліп, асыраушысынан айрылған 57 мыңға жуық отбасына әлеуметтік төлем жасалған. Қазіргі мөлшер бойынша еңбекке қабілеттілігінен айрылған адам 33 211 теңге, ал асыраушысынан айрылғандарға 34 355 теңге көлемінде жәрдемақы тағайындалады.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
