Қаралы хабарды Әміржан Қосанов фейсбук парақшасын жазды.
"Әлем әдебиетінің классигі Әбе - Әбдіжәмил Нұрпейісов атамыздың үйіндегі Ажар апай 90 жасында өмірден озды.
"Қан мен тер" романын оқыған, оқымаған барша ағайынға естіртіп жатқаным.
Ұлы жазушының өмірлік серігі, Музасы болған апамыз белгілі ғалым, химия саласына, ел өнеркәсібіне елеулі еңбек сіңірген қайраткер еді.
Дастарханынан талай дәм татып едік.
Алдынан жарылқасын. Арты қайырлы болсын! Атамыз аман болсын! Жақында ғана ауруханадан шыққан ол кісіге қиын болып жатыр-ау...", деп жазды ол.
Жазушыға қайғырып көңіл айтамыз. Иманды болсын!
MalimBlocks
Әлемге танымал жазушы Әбдіжәміл Нұрпейісов
«Қан мен тер» трилогиясы, «Соңғы парыз» дилогиясы Ә.Нұрпейісовтің ғана емес, күллі қазақ әдебиетінің табысы. Жазушының ерен еңбегі елдің, мемлекеттің жоғары бағасына ие болды. Жазушы ретінде «Еңбек Қызыл Ту», «Құрмет белгісі», Қазақстан мемлекетінің «Отан» орденімен марапатталған. Ол – КСРО Мемлекеттік сыйлығының иегері.
