Бүгін футболдан еуропа чемпионаты басталады. Алғашқы матч Италия мен Түркия құрамасы арасында өтеді. Бұл туралы malim.kz сайты хабарлайды.
Еуропа біріншілігіінң алғашқы ойыны Рим қаласында астана уақытымен 01:00 де басталады. Сарапшылар бұл ойынның фавориті Италия деп отыр.
Скуадра Адзура соңғы сегіз ойынын бір гол жіберместен жеңген. Сондай-ақ, өз жанкүйерлерінің қолдауымен алаңға шығады. Стадионға жанкүйерлердің 45 пайызы ғана кіретін болады. Түріктер соңғы он ойында бес рет жеңіске жетсе, төрт рет тең ойнап бір рет жеңілген. Футбол тарихында бұл екі құрама жеті рет кездескен. Түріктер бірде-бір рет жеңіске жетпеген. Төрт рет жеңілсе, үш рет тең ойнаған.
Букмекірлік компаниялар Италияның жеңісіне – 1,53, тең ойынға – 3,95, Түркияның жеңісіне – 8,3 коэффициент беріп отыр.
Алайда, түркиялық футболшыларды осалдар санатына қосуға болмайды. Осы еуро біріншілігіне іріктеуде Франция құрамасын ұтып кеткен еді. Сондықтан да Шенол ГЮНЕШТІҢ ойыншылары италиялықтарға оңай беріле салмас.
