Астанада самбодан әлем чемпионаты өтіп жатыр
Онда көру қабілеті нашар спортшыларға арналған турнир де бар
Жақсылық Үшкемпіров атындағы елордалық жекпе-жек сарайында әлемнің 80 елінен 470-ке жуық спортшыны біріктірген ауқымды іс-шара өтіп жатыр, деп хабарлайды Malim.kz.
Туризм және спорт министрлігінің мәлімдеуінше, әлемдік біріншілікте ел намысын 28 қазақстандық спортшы қорғайды. Биылғы чемпионаттың ерекшелігі әйелдер арасында жауынгерлік самбо жарысы және көру қабілеті нашар спортшыларға арналған турнир алғаш рет енгізілген. Әлем чемпионатында 31 жүлде жиынтығы ойнатылады.
Естеріңізге сала кетейік, Қазақстанда самбодан алғашқы әлем чемпионаты 2005 жылы Астанада өтті, онда ел спортшылары 1 алтын, 3 күміс және 6 қола медаль жеңіп алған еді.
Фото: Туризм және спорт министрлігі
