«Бағы да, соры да – осы». Дана Нұржігіт Елдос Сметов туралы пікір білдірді

Танымал тележүргізуші Дана Нұржігіт Олимпиада чемпионы Елдос Сметовті сынап жатқандарға қатысты ойын айтты, деп хабарлайды Malim.kz.

Бұл туралы журналист әлеуметтік желідегі парақшасында жазды.

"Бұқара алдында жүрген адамның бағы да, соры осы, бауырым. Бәрі - сын", - деп жазды Дана Нұржігіт.

Айта кетейік, Елдос Сметовтің анасы мен отбасына қатысты пікірлер қызу талқыға түскен еді. 

Сметов чемпион болғаннан кейін ешқандай сын-пікір болмайды деп ойлағанын жеткізді. 

"Әлеуметтік желіге қарамайын десем де, әйтеуір бір қарап қоямын. Қазір олимпиада чемпионы болдым. Чемпион болғаннан кейін ештеңе жазылмайтын шығар деп ойладым. Бірақ әлі жазып жатыр екен. Менің жүріс тұрысым, келіншегім артымда келе жатыр ма, алдым да келе жатыр ма, анам жанымда келе жатыр ма әйтеуір көп нәрсе жазылыпты. Енді ел алдына қалай шығайын, өзімнің жеке басымның қуанышы", – деді Елдос Сметов.