Қазақстанның Сыртқы істер министрлігі 2014 жылы Нанкинде өткен жасөспірімдер Олимпиадасының чемпионы, еркін күрес шебері Мұхамбет Қуатбектің өліміне қатысты пікір білдірді, деп хабарлайды Massaget.kz.
- 19 наурызда Нью-Йорк қаласындағы бас консулдыққа Филадельфия қаласында Қазақстан азаматы қайтыс болғаны туралы ақпарат түсті. Отандасымыздың денесі 16 наурызда Филадельфия қаласындағы мәйітханасына жеткізілді. Сот-медициналық кеңсесінің мәліметінше, өлім - жүрек тоқтап қалуынан болған. Бірақ әлі нақты ақпаратты күтеміз. Консулдық марқұмның туыстарымен байланыста. Мейітті Қазақстанға жеткізу бойынша шаралар жүргізіліп жатыр, - деді СІМ ресми өкілі Айбек Смадияров.
Бұған дейін қазақстандық палуан Мұхамбет Қуатбек 27 жасында АҚШ-та белгісіз жағдайда дүниеден өткенін жазған болатынбыз.
ФОТО: ИНТЕРНЕТТЕН
