Өзбекстандық боксшы Асадхужа Муйдинхужаев көлік жүргізу барысында әкімшілік құқық бұзушылық жасады, деп хабарлайды Malim.kz.
Боксшы Ташкенттегі көшелердің бірінде «Президент сыйлығы» деген жазуы бар Chevrolet Tahoe көлігімен жүріп бара жатқан.
Видеодан Асадхужаның қалалық аймақта шектен тыс жылдамдықпен қозғалып келе жатқанын байқауға болады. Соңғы жылдамдық көрсеткіші видеода сағатына 110 километрді көрсеткен.
Өзбекстанның жол қозғалысы ережелеріне сәйкес, рұқсат етілген ең жоғары жылдамдық сағатына 60 километрді құрайды.
«Заң барлығына ортақ, әрбір қылмыс үшін жауапкершілік қарастырылған. Жақын арада көлік табылып, шаралар қолданылады, және бұл туралы біздің ресми арналарымыз арқылы көпшілікке хабарлаймыз», - деді УБДД ГУВД хатшысы Кахрамон Худойберганов.
MalimBlocks
