Қазақстан құрамасының футболшысы үйленді
Отандық қорғаушы сүйіктісіне үйлену туралы ұсынысты былтыр жасаған.
24 жастағы қазақстандық футболшы, «Тобыл» клубы мен Қазақстан құрамасының қорғаушысы Роман Асранкулов үйленді, деп хабарлайды Malim.kz.
Роман Асранкуловтың жарының есімі – Анна. Бойжеткен хореографиямен айналысады. Қуанышты хабарды Қазақстан футбол федерациясы жариялады.
Құсың құтты болсын, Роман! Қазақстан ұлттық құрамасы мен «Тобылдың» қорғаушысы Роман Асранкулов шаңырақ көтерді. Біз Роман мен Аннаны қуанышты жаңалығымен құттықтайды. Жас отаудың шаңырағына ырыс-құт, береке-бірлік орнасын! – делінген жазбада.
Футболшы сүйіктісіне үйлену туралы ұсынысты 2023 жылдың соңында жасаған.
Фото: Қазақстан футбол федерациясы
