Алматыда танымал суретші, өнертанушы Вадим Сидоркин қайтыс болды. Бұл туралы Суретшілер одағы хабарлады.
Вадим Сидоркин Алматыдағы Н.В. Гоголь атындағы көркемсурет училищесін, Ленинградтағы Репин атындағы көркемсурет, мүсін және архитектура институтын тәмамдаған. Суретші 62 жасында дүниеден озды.
Вадим Сидоркин көптеген халықаралық көрмелерге қатысты, қазақ кескіндеу өнерін алға сүйреген суретші болды.
Вадим Сидоркин есімдері жұртқа әйгілі суретшілер – Евгений Сидоркин мен Гүлфайруз Исмаилованың ұлы. Оның әкесі жазушы Мұхтар Әуезовтің "Абай жолы" романы мен басқа да жазушылардың туындыларына классикалық иллюстрациялар салған, Алматыдағы Балуан Шолақ спорт сарайы ғимаратындағы үлкен панноның авторы. Ал Гүлфайруз Исмаилованың атақты "Қазақ вальсі" картинасы баршаға мәлім.
Вадим Сидоркин көзі тірі кезінде ата-анасының шығармашылығын дәріптеп, түрлі көрмелер ұйымдастыратын.
Фото Вадим Сидоркиннің Facebook парақшасынан алынды
