Қасым-Жомарт Тоқаев тұңғыш президент Назарбаевтың мәдениет саласындағы стипендиясының сыйақасын екі еседен көп өсірді деп хабарлайды Ақорда сайты.
Тоқаев жарлығында:
«1. «Қазақстан Республикасының Тұңғыш Президенті – Елбасының мәдениет саласындағы мемлекеттік стипендиясын тағайындау туралы» Қазақстан Республикасы Президентінің 2000 жылғы 3 сәуірдегі № 369 Жарлығына (Қазақстан Республикасының ПҮАЖ-ы, 2000 ж., № 18, 185-құжат) мынадай өзгеріс енгізілсін:
1-тармақ мынадай редакцияда жазылсын:
«1. Қазақстан Республикасының Тұңғыш Президенті – Елбасының мәдениет саласындағы жыл сайынғы 75 мемлекеттік стипендиясы айына 55 еселенген айлық есептік көрсеткіш мөлшерінде тағайындалсын.».
- Осы Жарлық қол қойылған күнінен бастап қолданысқа енгізіледі» деп жазылған.
Естеріңізге сала кетейік, бұған дейін Назарбаев стипендиясы 20 еселенген айлық есептік көрсеткіш көлемінде беріліп келген. 1 айлық есептік көрсеткіш – 2778 теңге.
