Egov.kz порталында техникалық, кәсіптік және орта білімнен кейінгі оқу жөніндегі өтініштерді қабылдаудың маусымдық науқаны басталды деп хабарлайды malim.kz тілшісі alau.kz басылымына сүйеніп.
Бұл жолы өтініште жатақхана әлде тегін тамақ қажеттігін нұсқауға болады. Ал әскери борышын өтеген азаматтар үшін онысын растайтын құжатты тіркеу қарастырылған.
Басты өзгерістердің бірі - оқу орнын таңдау кезінде сұрыптау механизмі болып отыр. Енді жүйе қолданушының сұрауы бойынша оқуға баратын өңірді, тілін, бағыты мен таңдаған мамандығын көрсете алады. Сонымен бірге, «Серпін» бағдарламасына қатысатын ауыл мектептері үшін де сұрыптау механизмі бар.
