"Мемлекет басшысының өкімімен Бағдат Батырбекұлы Мусин басқа жұмысқа ауысуына байланысты Қазақстан Республикасы Президентінің цифрландыру және инновациялық технологиялар жөніндегі кеңесшісі қызметінен босатылды", - деп жазды президенттің баспасөз хатшысы Берік Уәли.
Көп кешіктірмей "басқа жұмысқа ауысқан" 37 жастағы Бағдат Батырбекұлы Цифрлық даму, инновациялар және аэроғарыш өнеркәсібі министрінің орынбасары болып тағайындалды. Ал осы министрліктің басшысы Асқар Жұмағалиев бүгін ғана жұмысынан босады.
Сондай-ақ, мемлекет басшысы бүгін штаттан тыс кеңесшісі Олжас Құдайбергеновті де қызметінен босатты.
