29 тамызда Қызылордадан Алматыға бағыт алған пойызда жас қыз жағымсыз жағдайға тап болғанын мәлімдеді, деп хабарлайды Malim.kz тілшісі Qazaq Today басылымына сілтеме жасап хабарлайды.
Әлеуметтік желіде тараған видеода бойжеткен пойыздағы 65 жастағы жолаушының өзіне орынсыз әрекет жасағанын айтып берді.
Қыздың сөзінше, оқиға түнгі уақытта болған. Ол ұйықтап жатқан кезде ер адам оның тізесінен ұстай бастаған.
“Түнде тіземнен ұстай бастады”, – дейді бойжеткен видеода.
Оқиға әлеуметтік желі қолданушыларының қызу талқысына түсті. Желі қолданушылары қоғамдық көлікте жолаушылардың қауіпсіздігіне ерекше мән беру керегін айтып, мұндай әрекеттерге бейжай қарамауға шақырды.
