Бейонсе тағы да рекорд жаңартты: әлемдік турдың табысы 1 миллиард доллардан асты, деп хабарлайды Malim.kz.
Әлемдік поп-музыка жұлдызы Бейонсенің Cowboy Carter Tour гастрольдік сапары концерт индустриясының жаңа белесіне айналды. Салалық басылымдардың мәліметінше, турдан түскен жалпы табыс 1 миллиард доллар межесінен асты. Осылайша әнші тарихтағы ең табысты орындаушылардың қатарына қосылды.
Бұл турдың ерекшелігі - Бейонсенің кантри музыкасына бет бұруы. Бастапқыда бұл шешім қызу пікірталас тудырғанымен, көрермендердің қызығушылығы бәсеңдеген жоқ. Көптеген қалада билеттер бірнеше минут ішінде сатылып кеткен.
Музыка сарапшылары мұны жай ғана концерт емес, толыққанды шоу-индустрияның жаңа стандарты деп бағалап отыр. Әлеуметтік желілерде турдан түсірілген видеолар миллиардтаған қаралым жинап, Бейонсенің ықпалын тағы бір мәрте дәлелдеді.
