Үкімет басшысы Олжас Бектенов алғашқы атом электр стансасын салатын өңір туралы қаулыға қол қойды, деп хабарлайды inform.kz cайтына сілтеме жасап Malim.kz.
Қазақстан Республикасының «Атом энергиясын пайдалану туралы» Заңы 5-бабының 2-тармақшасына және 12-бабының 1-тармағына сәйкес Қазақстан Республикасының Үкіметі Алматы облысының Жамбыл ауданы – «Атом электр станциясы» ядролық қондырғысы салынатын аудан туралы шешім қабылдансын, - делінген қаулыда.
Қаулы ресми жарияланған күні, яғни бүгіннен бастап қолданысқа енгізілді.
Өткен жылдың 6 қазанында Қазақстанда АЭС салу бойынша жалпыхалықтың рефендум өткен болатын. 70 пайыздан астам халық АЭС салуды қолдап дауыс берген.
Фото: Globalenergyprize.org
