Украина Ресеймен соғыс “толық жеңіспен” аяқталмаса да, бітімге қол жеткізе алады. Мұндай пікірді Ұлыбританиядағы Украина елшісі, Украина Қарулы күштерінің экс-бас қолбасшысы Валерий Залужный білдірді, деп хабарлайды Malim.kz. DW-ге сілтеме жасап.
Оның сөзі Liga.net басылымында 29 қарашада жарияланған авторлық колонкада келтірілген.
Залужныйдың айтуынша, қарулы қақтығыстың аяқталуы бірнеше сценарий бойынша мүмкін, оның ішінде соғыстың бірнеше жылға созылатын ұзақ мерзімді тоқтатылуы да бар.
«Украиндар, әрине, толық жеңіске – Ресей империясының ыдырауына ұмтылады. Бірақ соғыстың жылдарға созылатын тоқтатылу мүмкіндігін де жоққа шығара алмаймыз. Тіпті келесі соғыстың қаупі сақталған жағдайда да бітім – саяси өзгерістерге, реформаларға, экономикалық өсім мен қалпына келтіруге мүмкіндік береді», – деп жазды Залужный.
Ол соғысты ақпараттық қысыммен аяқтау мүмкін емес екенін, ал бітім немесе тоқтау әскери, экономикалық және саяси факторлардың жиынтығына байланысты болатынын атап өтті. Оның айтуынша, осы бағыттардың бірінде күйреу орын алса да, бұл тек соғысты тоқтатуға алғышарт қана бола алады. Залужный сондай-ақ ұсынылатын бітім шарттары Украина үшін «әр жолы жақсарып отырған жоқ» екенін мойындайды.
