Египеттің бұрынғы президенті Хосни Мүбәрак қайтыс болды. Ол 91 жаста болған. Бұл туралы Египеттің мемлекеттік арнасы хабарлады.
Соңғы мәліметтерге қарағанда елдің бұрынғы президенті ұзақ уақыт бойы ауырған. Қаңтар айының соңында ғана оның асқазанынан қатерлі ісікті сылып тастаған. Содан бергі уақытта 91 жастағы саясаткер жансақтау бөлімінде жатқан.
Хосни Мүбарак Египетті 30 жыл бойы басқарған. Ол билікке 1981 жылы келіп, 2011 жылы Египеттегі үлкен көтерілісте жұрт оның биліктен кетуін талап еткен соң, ол өз еркімен отставкаға кеткен.
Бұдан соң көп ұзамай ол көтерілісшілерді өлтіру және жемқорлық бойынша айыпталып, тұтқынға алынған. 6 жылдық тұтқында болып, 2017 жылы ғана бостандыққа шыққан Мүбәрак өмірінің соңын отбасымен бірге өткізген.
Хосни Мүбәрак 1928 жылы 4 мамырда дүниеге келген.
