Оңтүстік Корея Президенті әскери жағдай жариялағаны үшін халықтан кешірім сұрады
Ол телеарналар арқылы халыққа үндеу жасады
Оңтүстік Корея Президенті Юн Сок Ёль осы аптада әскери жағдай жариялап, халық арасында алаңдаушылық туғызғаны үшін кешірім сұрап, мұндай әрекетті қайта жасамауға уәде берді, деп хабарлайды Malim.kz Yonhap агенттігіне сілтеме жасап.
Халықтың қатты таңғалғанын түсінемін және шын жүректен кешірім сұраймын, деді Юн 7 желтоқсан күні, парламентте өзінің импичменті туралы дауыс беру қарсаңында жасаған теледидар арқылы үндеуінде.
Президенттің айтуынша, сейсенбі күні түнде жарияланған әскери жағдай 6 сағаттан кейін Ұлттық Ассамблеяның қарсы шешімінен соң тоқтатылған.
Ол әскери жағдайға байланысты құқықтық және саяси жауапкершіліктен жалтармайтынын айтып, елдегі тұрақтылықты сақтау үшін өз болашағы мен мерзімін партиясына тапсырғанын мәлімдеді.
Юн Сок Ёль 2022 жылдың мамыр айындабес жылдық бір мерзімге сайланған болатын.
Фото: eng.president.go.kr
Байланысты жаналықтар
MalimBlocks
