Сейсенбі күні сағат 15:00 жағдай бойынша, Қытайдың оңтүстік-батысындағы Динжи уезінде таңертең болған 6,8 магнитудасындағы жер сілкінісі нәтижесінде қаза тапқандар саны 95 адамға жетті. Ал жарақат алғандар 130 адам. Бұл туралы «Синьхуа» агенттігі жазды, деп хабарлайды Malim.kz.
Жер сілкінісі Бейжің уақытымен таңғы 09:05-те болған. Эпицентрі Шигадзе қаласындағы Дингри ауданындағы Цого ауылында орналасқан. Эпицентрден 20 км радиуста 27 ауылда шамамен 6900 адам тұрады. Ресми мәліметтер бойынша, Дингри ауданында 61 000-нан астам адам шоғырланған.
Жер сілкінісіне байланысты баспасөз мәслихатында хабарланғандай, зардап шеккен аймаққа 3400-ден астам құтқарушы және 340-тан астам медициналық қызметкер жіберілген.
Айта кетейік, Қытайдың оңтүстік-батысындағы Шигацзе қаласындағы Динжи уезінде магнитудасы 6,8 балдық жер сілкінісі болғанын бұған дейін жазған едік.
Әуелгі мәлімет бойынша 53 адам қаза тауып, тағы 62 адам түрлі дәрежеде жарақат алған болатын.
Фото: english.news.cn
