«Шетел агенті» туралы заң: Грузиядағы халық толқуы үдеп барады

Көлік қозғалысы тоқтап, жолдар жабылған.

Malim Админ

  • 16.05.2024

Грузия парламентінің «Шетел агенті» заң жобасы елдегі наразылықты ушықтырып жіберді. Жұрт парламент ғимаратын басып алуға оқталған. Полицияның демонстранттарға күш қолданғаны айтылды, деп хабарлайды Malim.kz Азаттық-қа сілтеме жасап.

Көлік қозғалысы тоқтап, жолдар жабылған.

Еске салсақ, 14 мамырда Грузия парламенті соңғы үшінші оқылымда "Шетел ықпалының ашықтығы туралы" даулы заң жобасын мақұлдады.

Сыншылар оны Ресейдегі «Шетел агенті туралы» заңға теңейді.

Құжатты қолдап 150 депутаттың 84-і дауыс берді, олар — заң жобасын ұсынған «Грузия арманы» партиясының өкілдері мен олардың одақтастары. Заң жобасына 30 депутат қарсы дауыс берген.

Бұған дейін Грузия президенті Саломе Зурабишвили заңға вето қоюға уәде берген, бірақ билеуші партия вето құқығынан асып түсетін дауыс санына ие. Егер президент заңға қол қоймаса, оған парламент төрағасы қол қойып, жариялайды.

Заң жобасы шетелден кемі 20 пайыз қаржы алатын ақпарат құралдары мен үкіметтік емес ұйымдардан "шетелдік ықпалы бар агент" ретінде тіркелуді талап етеді.

Заң жобасын ұсынғандар құжат Грузияны шетелден қаржы алатын наразылықтардан, радикал партиялар мен үгіт-насихат жүргізетін БАҚ-тардан қорғауға қажет дейді. Заң бұзғандарға үлкен айыппұл салынады. Авторлар құжат Ресей емес, Америка заңнамасына ұқсас дейді.

Желтоқсан айында Грузияға одаққа қосылудан үміткер мәртебесін берген Еуроодақ бұл заң ЕО-ның құндылықтарына қайшы келетін және елді бұл Одаққа мүше болу үмітінен айыратын құжат деп сынаған.

Заң жобасына он мыңнан астам грузин азаматы қарсы шықты. Бір айдан бері наразылар түрлі қалада Грузия мен Еуроодақ туын ұстап, «Ресей заңын» қабылдамауды талап етіп келеді. Наразылық кезінде полиция демонстранттарға жас ағызатын газ бен су шашып, резеңке оқ қолданды.

2023 жылы наурызда Грузия парламенті бұл заң жобасын бірінші оқылымда қабылдаған соң елде жаппай наразылық басталған. Кейін парламенттегі «Грузия арманы» партиясы және «Халық күші» қозғалысы заң жобасын кері қайтарып, артынша қайта ұсынған.

 

Фото: Shakh Aivazov/AP/dpa/picture alliance

Байланысты жаналықтар

Парламент палаталарының бірлескен отырысы өтіп жатыр

21.06.2024

Қазақстанда бүгіннен бастап вейптерге тыйым салынды

20.06.2024

Жаңа заң: Елімізде кредит беру талаптары өзгерді

19.06.2024

Тоқаев «Масс-медиа туралы» Заңға қол қойды

19.06.2024

21 маусымда Парламент палаталарының бірлескен отырысы өтеді

19.06.2024

Грузия алғашқы Еуропа чемпионатын сәтсіз бастады

18.06.2024
MalimBlocks
Парламент палаталарының бірлескен отырысы өтіп жатыр

Палата отырысына депутаттық корпустан бөлек, Премьер-министр бастаған Үкімет мүшелері толық құрамда қатысып жатыр.

Қазақстанда бүгіннен бастап вейптерге тыйым салынды

Яғни вейптердің айналымы үшін бүгіннен бастап қылмыстық жауапкершілік көзделген.

Жаңа заң: Елімізде кредит беру талаптары өзгерді

Бұл туралы Ақорда мәлімдеді

Тоқаев «Масс-медиа туралы» Заңға қол қойды

Жаңа Заңға «Бұқаралық ақпарат құралдары туралы» және «Телерадио хабарларын тарату туралы» заңдардың негізгі ережелері енді

21 маусымда Парламент палаталарының бірлескен отырысы өтеді

Мәжіліс пен Сенат депутаттары Үкіметтің 2023 жылғы республикалық бюджеттің атқарылуы туралы есебін қарайды.

Грузия алғашқы Еуропа чемпионатын сәтсіз бастады

F тобындағы бірінші тур ойыны Дортмундтағы "Сигнал Идуна Парк" аренасында өтті