Тбилисидегі митинг: оппозиция жаңа сайлау өткізгелі жатыр
Сайлау нәтижесінде «Грузин арманы» партиясы билікте қалған болатын
Кеше Тбилисидің орталығындағы Парламент ғимаратының жанында сайлаудың алдын-ала нәтижелеріне қатысты наразылық акциясы өтті.
Естеріңізге сала кетсек, сайлаудан кейін «Грузин арманы» басқарушы партиясы билікте қалды және үкіметті төртінші рет құра алады. Оппозиция мен елдің президенті дауыс берудің ресми қорытындыларын мойындаудан бас тартты және жаңа сайлау өткізуді талап етіп отыр. Бірақ бұл сайлауға Орталық сайлау комиссиясы қатыспасын дейді.
Тбилисидегі митингте «Бірлік — Ұлттық қозғалыс» партиясы көшбасшыларының бірі Джордж Вашадзе сөз сөйледі, ол Коалиция атынан елде «халықаралық сайлау әкімшілігінің басшылығымен» қайта сайлау өткізуді талап етті.
- Үкіметпен келіссөз тек халықаралық бақылаушылардың көмегімен жаңа сайлау өткізгенде ғана болады, - деп қосты ол.
Митингке ел президенті Саломе Зурабишвили де келді. Ол азаматтарды қатысуға шақыратын іс-шараны да өзі жариялаған еді. Жиылған жұрт оны ұранмен қарсы алды.
Президент өз сөзінде: «Біз сіздердің Конституциялық дауыс беру құқықтарыңызды қорғау үшін күресеміз. Бұл пессимизм танытатын уақыт емес, қазір сабырлы түрде бас көтеріп, өз дауысыңыды қорғау маңызды» деді.
Ол батыс басшылары да сайлау нәтижелерін мойындамайтынын айтып өтті. Дегенмен, әзірше Грузияның негізгі батыстағы серіктестерінің ешқайсысы мұндай мәлімдемелерді әлі ашық айтқан жоқ,
Бұған дейін президент АҚШ пен Еуропалық Одақ наразылықтарды қолдауы керек деп мәлімдеген болатын. Ол батыс саясаткерлерін басқарушы партиямен байланысын жаңартпауға шақырды.
Айта кетсек, аталмыш наразылық акциясынан бірнеше мың адам қатысты.
Фото: bbc.com
