Кремль сайтында Владимир Путин мен Дональд Трамптың телефон арқылы келіссөздерінің нәтижелері туралы хабарлама жарияланды, деп хабарлайды Malim.kz.
Кремльдің мәліметінше, тараптар арасындағы жалғыз нақты келісім – Трамптың бастамасымен қақтығысушы екі елдің 30 күн бойы энергетикалық инфрақұрылым нысандарына соққы жасамау туралы ұсынысын Путиннің қолдауы болды.
Владимир Путин бұл бастаманы оң қабылдап, бірден ресейлік әскери күштерге тиісті бұйрық берді», – делінген хабарламада.
Алайда Кремль таратқан мәлімдемеде Вашингтонның қысымымен Украина келісім берген 30 күндік уақытша бітімге жол ашатын нақты уағдаластықтар туралы ақпарат жоқ.
Қақтығысты бейбіт жолмен шешуге деген принциптік ұстанымын растаған Ресей президенті ықтимал реттеу жолдарын американдық әріптестерімен бірлесе мұқият қарастыруға дайын екенін мәлімдеді. Бұл реттеу кешенді, тұрақты және ұзақ мерзімді сипатқа ие болуы тиіс», – делінген хабарламада.
Сонымен қатар, Путин «дағдарыстың бастапқы себептерін жоюдың және Ресейдің қауіпсіздік саласындағы заңды мүдделерін ескерудің сөзсіз қажеттілігін» атап өтті.
Кремльдің мәліметінше, Путин Трампқа 19 наурызда Украина мен Ресей арасында «175 адамға 175 адам» формуласы бойынша әскери тұтқындар алмасу жоспарланғанын хабарлаған.
Сондай-ақ, Ресей «ізгі ниет белгісі» ретінде Киевке ауыр жараланған 23 украин сарбазын тапсыратынын мәлімдеді.
Фото: Elijah Nouvelage/Alexander Nemenov/AFP
Байланысты жаналықтар
MalimBlocks
