Волгоград колониясындағы оқиғада лаңкестер қолынан 8 адам көз жұмды
Бүгінде лаңкестердің көзі жойылған
Волгоград облысында ИК-19 колониясын басып алу кезінде кепілге алынған 8 адам көз жұмған, деп хабарлайды Malim.kz.
Террористер 4 тұтқынды (шабуылдан кейін оларды бастарын тақырлап, қолдарын артына байлап тастаған күйінде тапқан), сондай-ақ, түзеу колониясының 3 қызметкерді – Чернушкин Виктор (тәрбие бөлімінің бастығы), Кречетов Иван (күзет бөлімінің бастығы) және Кучма Андрейді (бастықтың қауіпсіздік және жедел жұмыс жөніндегі орынбасары) өлтірген.
Ресей Жазаны орындау федералды қызметінің қайтыс болған төртінші қызметкері Сергей Гордополов кейінірек алған жаратақынан ауруханада көз жұмған.
Айта кетейік, аталған колонияда 4 террорист 8 колония қызметкері мен 4 сотталушыны кепілге алғаны айтылған еді.
Baza телеграм-арнасының жазуынша, колонияны басып алған террористер өз құрбандарын арнайы таңдаған.
Мәселен, террористер федералды қызмет қызметкерлерінің арасында өлтіргісі келетіндердің тізімін алдын-ала дайындаған болуы мүмкін, өйткені, олардың «қысым жасағанын» айтқан.
Сондай-ақ, лаңкестердің бірі жазған бейне осы нұсқаны растай түседі. Онда азаптап, қысым жасағандары үшін өлтіргендерін хабарлайды.
Айта кетейік, клолониядағы лаңкестердің көзін жою операциясы жергілікті уақытпен сағат 16:00-де басталып, жарты сағатқа созылған. Әуелде 4 лаңкестің төртеуінің де көзі жойылғаны айтылған еді. Артынан алдын ала мәлімет бойынша, екеуі — Темур Хусинов пен Рустамчон Наврузидің аман қалуы мүмкін екені, дегенмен ауыр жарақат алғаны айтылды.
Фото: Росгвардия
