Дональд Трамп Владимир Зеленскиймен «телефон арқылы сөйлесіп, өте жақсы әңгіме болғанын» хабарлады. Әңгіме шамамен 1 сағатқа созылған, деп хабарлайды Malim.kz.
«Талқылаудың негізгі бөлігі президент Путинмен кеше болған телефон әңгімесіне негізделді. Оның мақсаты – Ресей мен Украинаның сұраныстары мен қажеттіліктерін үйлестіру болды. Біз белгіленген бағыт бойынша ілгерілеп келеміз, және мен мемлекеттік хатшы Марко Рубио мен ұлттық қауіпсіздік жөніндегі кеңесші Майкл Уолтцтан талқыланған мәселелерге нақты сипаттама беруді сұраймын. Бұл мәлімдеме жақын арада жарияланады», – деп жазды АҚШ президенті әлеуметтік желіде.
Айта кетейік, кеше Трамп Ресей президенті Владимир Путинмен 2 сағатқа жуық уақыт сөйлескен еді.
Фото: Украина президентінің кеңсесі
