Алматы облысында тұрғын үйлердің аумағынан жыландар табылған екі жағдай тіркелді, деп хабарлайды Malim.kz.
112 пультіне жеке тұрғын үйлер аумағында жыландардың пайда болғаны туралы хабарламалар түскен.
Алғашқы жағдай Еңбекшіқазақ ауданына қарасты Тескенсу ауылында болды. Екінші оқиға Қонаев қаласының 18-шағын ауданында тіркелген.
Оқиға орнына жеткен құтқарушылар арнайы құралдардың көмегімен бауырымен жорғалаушыларды ұстап алып, қауіпсіз жерге шығарды.
ТЖД мамандары жабайы жануарлар немесе жыландар анықталған жағдайда оларды өз бетінше ұстауға әрекет жасамауға шақырады. Мұндай жағдайда бірден 112 қызметіне хабар беру қажет.
