COVID-19 жемқорларды көбейтті

Malim Админ

  • 14.09.2020

Пандемия кезінде жемқорлық күшейіп кеткен. 60-тан астам елдің азаматтары гуманитарлық көмектерді тарату мен карантиндік шаралар кезінде, коронавирустан емделу уақыттарында жемқорлыққа жиі тап болғандарын айтқан. Бұл туралы Transparency International халықаралық құқық қорғау ұйымы хабарлады.

«Қаңтардан бері 60-тан аса мемлекетте қызмет ететін Transparency International халықаралық құқық қорғау ұйымының заң орталықтарына COVID-19 пандемиясымен байланысты жемқорлыққа қарсы 1500 шағым түскен. Италиядан бастап, Венесуэла, Гана мемлекеттеріне дейін көптеген елдерден келген шағымдарда гуманитарлық көмекті тарату кезінде, карантин уақытындағы қозғалыс кезінде, ем қабылдап, тесттен өткен уақыттарында пара алу мен протекционизмге тап болғандарын жазған», - дейді хабарламада.

Transparency International халықаралық құқық қорғау ұйымы менеджері Элисон Мэтьюз COVID-19 пандемиясын коррупция кризисі деп атады.

«COVID-19 – тек денсаулық сақтау, экономика саласындағы кризис емес. Бұл коррупция кризисі. Бұдан ең әлсіз, әлеуметтік жағдайы қорғалмаған тұрғындардың зардап шеккенін көріп отырмыз. Олардың ішінде қатардағы медқызметкерлер де бар. Биліктегілер өз адамдарын сүйрейді. Бұл қарапайым халықты қажетті қызмет пен көмектен айырды», дейді Элисон Мэтьюз.

Сонымен қоса, дәрі-дәрмек саласындағы жемқорлық та қоғамға теріс әсер еткенін айтты.

Transparency International халықаралық құқық қорғау ұйымының атқарушы директоры Дэниел Эрикссонның сөзінше, жемқорлар пандемияны қалталарын толтыру үшін жақсы пайдаланып кеткен.

«Жемқорлар COVID-19 пандемиясын жақсы пайдаланды. Халық жемқорлар туралы айтуға толық хақылы. Біздің міндетіміз адамдардың үмітін жоғалтпау. Біз бірге болғанда ғана жеңеміз. Ал жемқорлықтан жүйені өзгерткенде ғана құтыламыз», - деді Эрикссон.

Байланысты жаналықтар

Ғалымдар коронавирусты анықтайтын тестті жетілдіріп жатыр

17.04.2020

Коронавирус: Үйде жатып емделудің жолы қандай?

28.06.2020

Вирустың жеңіл түрін жұқтырғандарды қалай емдейді?

21.06.2020

Белгісіз пневмония COVID-19-дан да қауіпті ме?

10.07.2020

Өскемендіктер коронатест кезегіне таласып жатыр

02.11.2020

Швециядағы қазақ: Халықтың 80 пайызы коронавирус жұқтыруы мүмкін

16.04.2020
MalimBlocks
Ғалымдар коронавирусты анықтайтын тестті жетілдіріп жатыр

Коронавирус: Үйде жатып емделудің жолы қандай?

Вирустың жеңіл түрін жұқтырғандарды қалай емдейді?

Белгісіз пневмония COVID-19-дан да қауіпті ме?

Өскемендіктер коронатест кезегіне таласып жатыр

Швециядағы қазақ: Халықтың 80 пайызы коронавирус жұқтыруы мүмкін