АҚШ әскері Иорданияда екі америкалық әскери қызметкердің қаза табуына жауап ретінде Иран аумағындағы нысандарға кезекті рет соққы жасады, деп хабарлайды Malim.kz DW-ге сілтеме жасап.
АҚШ Орталық қолбасшылығының (CENTCOM) мәліметінше, операцияның мақсаты – шабуылға қатысы бар деп есептелетін нысандарды жою және Иранның Ормуз бұғазындағы коммерциялық кеме қатынасына қауіп төндіру мүмкіндігін әлсірету.
Бұған жауап ретінде Иран Кувейттегі АҚШ-тың екі әскери базасына дрондармен шабуыл жасаған.
Сонымен қатар Иранның жоғарғы жетекшісі АҚШ-қа «ұмытылмас сабақ берілетінін» мәлімдеді. Сарапшылардың пікірінше, екі ел арасындағы шиеленіс одан әрі күшеюі мүмкін.
