Бүгін пышақ және оқ жарақаттарымен 9 науқас Ақтөбедегі көпсалалы облыстық ауруханаға жеткізілді, деп хабарлайды Malim.kz «Диапазон» басылымына сілтеме жасап.
Түнгі сағат 2-де жас жігітті белгісіз біреулер клиникалық өлім жағдайында ауруханаға жеткізді. Ол дереу жансақтау бөліміне жатқызылды. Реанимациялық шаралар жүргізілді, бірақ нәтиже болмай, науқас қайтыс болды. Марқұм 18 жаста еді, - деді облыстық аурухананың дәрігері Жасұлан Орынбаев.
Жарақат алған 8 науқас 18-22 жас аралығындағы жастар. Оларды ауруханаға полиция және жедел жәрдем қызметкерлері алып келген.
Қылмысқа қатысты 4 күдікті ұсталды. Олар уақытша ұстау изоляторына қамалды. Адам өлтіру және бұзақылық фактілері бойынша сотқа дейінгі тергеу амалдары басталды.
Қылмысты тергеп-тексеру барысы жеке бақылауымызда, - деді Ақтөбе қалалық ПД баспасөз қызметі.
Фото: Азаттық радиосы
