Ақтөбенің Алматы ауданында Асау Барақ көшесіндегі азық-түлік дүкенінің шатыры мен көршілес жеке үйдің шатырының бір бөлігі өртенді, деп хабарлайды Malim.kz.
Өрттің жалпы аумағы 150 шаршы метрді құрады. ТЖМ құтқарушылары жалынның одан әрі таралуына жол бермеді.
Өрт орнынан әрқайсысының сыйымдылығы 50 литр болатын екі тұрмыстық газ баллоны және бір оттегі баллоны қауіпсіз жерге шығарылды.
Өрт толық сөндірілді. Қазір оның шығу себебі анықталып жатыр.
