Қазақстанда бүгін, 1-қыркүйекте 90 мың оқушыны сйыдыра алатын 70 мектеп ашылды. Олардың ішінде Мемлекет басшысы бастамашылық еткен «Жайлы мектеп» ұлттық жобасы аясында салынған мектептер де бар, деп хабарлайды Malim.kz.
Мәдениет және ақпарат министрлігінің мәліметінше, бағдарлама өткен жылы іске қосылып, белсенді түрде жүзеге асып келеді. 2025 жылға дейін ел бойынша 400-ге жуық мектеп ашу жоспарланған.
Ал Астанада мектеп табалдырығын енді аттаған 28 мың оқушыға алғашқы қоңырау соғылды.
Қалада 1 қыркүйек күні 15 жаңа мектеп ашылды. Олардың 9-ы Мемлекет басшысының «жайлы мектеп» ұлттық жобасы аясында, тағы екеуі – мемлекеттік және төртеуі – жекеменшік мектеп. Жаңа мектептер 3 ауысымды 5 мектептің және тығыздылығы жоғары 4 мектептің қиындықтарын шешуге мүмкіндік берді.
Сонымен қатар, жыл соңына дейін тағы 8 мектеп ашылмақ. Оның 6-ауы «Жайлы мектеп» жобасы бойынша.
Фото: Астана әкімдігі
Байланысты жаналықтар
MalimBlocks
