Жақында ғана жазасын өтеп, бостандыққа шыққан Қайрат Нұртас оқырмандарына Алакөлдегі демалысы қалай өтіп жатқанын көрсетті, деп хабарлайды Malim.kz.
Әнші бостандыққа шыққан бойда інісінің дүкенінің ашылуына барып, тыңдармандарымен қайта қауышқан еді. Мерекелік шара аяқталған соң өнер иесі отбасымен бірге демалып қайтуды шешкен.
Ол ата-анасы және бауырларымен бірге Алакөлге аттанып, ерекше уақыт өткізуде. Бейнежазбада әншінің жағалауда тұрғаны мен анасымен гидроскутермен келе жатқанын көруге болады.
Айта кетейік, 5 шілдеде отандық эстрада жұлдызы Қайрат Нұртастың үстінен іс қозғалғаны туралы ақпарат тарады. Өнер иесі ұшақ бортында ұсақ бұзақылық және денсаулыққа қасақана жеңіл зиян келтіргені үшін 15 тәулікке қамауға алынды. 20 шілдеде әртістің бостандыққа шыққаны белгілі болды.
Фото: Видеодан кадр
