Қазақстанда 2026 жылдың бірінші жартыжылдығында мемлекеттік борыш 14,7%-ға өсіп, 40,9 трлн теңгеге жетті. Ал борышқа қызмет көрсету мен оны өтеуге жұмсалған қаражат 2,1 трлн теңге болып, бір жылда 26,3%-ға артқан. Бұл туралы Қазақстан қаржыгерлер қауымдастығының (ҚҚҚ) талдауында хабарланды.
Борышқа жұмсалған қаржы мемлекеттік бюджет шығыстарының шамамен 11%-ына жетті. Бір жыл бұрын бұл көрсеткіш 9,6% болған. Сарапшылар шығынның өсуін жоғары пайыздық мөлшерлемелер жағдайында жаңа қарыздардың қымбаттауымен байланыстырады.
Сонымен бірге бюджет қаржыландыруындағы Ұлттық қордың үлесі қысқарған. 2026 жылдың бірінші жартыжылдығында қордан республикалық бюджетке 1,86 трлн теңге кепілдендірілген трансферт аударылды. Жылдық жоспар - 2,77 трлн теңге.
Есесіне жаңа қарыз алу көлемі өткен жылғы 3,4 трлн теңгеден 3,7 трлн теңгеге дейін өскен. Яғни Ұлттық қордан алынатын қаражат азайғанымен, бюджет тапшылығын және басқа қажеттіліктерді қаржыландыруда қарыз қаражатының үлесі артып отыр.
