Қостанай облысының әкімі Архимед МҰХАМБЕТОВ Ресейдегі Ленинград облысындағы мектептің жөндеу жұмыстарына көмектесті. Ол туралы әкім инстаграмдағы парақшасында жазды.
«Ұлы Жеңістің 75-жылдығы мен Кеңес одағының батыры, жерлесіміз С.Баймағамбетовтың туғанына 100 жыл толуына орай біз Ленинград облысы Киров қаласында орналасқан Батырдың ескерткішiн қайта жаңғырту жұмыстарын аяқтадық. Сонымен қатар, Батырдың есімі берілген Киров гимназиясының қасбетіндегі жазу жаңартылды. Қостанай облысының әкімдігі жерлесіміздің ескерткішін қайта жаңғырту бастамасын қолдады. Кеңес одағының батыры Сұлтан Баймағамбетовтың есімі халқымыздың жадында мәңгілікке сақталады», - деп жазды әкім.
Кировск қаласында орналасқан бұл оқу орны 1998 жылы құрылған. 2001 жылы гимназияға Сұлтан БАЙМАҒАМБЕТО ТЫҢ аты берілген. Батыр Қостанай облысының тумасы. 1940 жылы әскер қатарына алынған. Ленинград түбіндегі ұрыста 50-ден астам фашистің көзін жойған. Қоршауда қалған қаланы қорғаған Баймағамбетов 4 рет жараланады. Пулемет бөлімшесінің командирі 1943 жылы жау дзотын кеудесімен жауып, ерлікпен қаза тапты. 1944 жылы Совет Одағының Батыры атағы берілді.
Коллаж: МӘЛІМ КЗ
Байланысты жаналықтар
MalimBlocks
«Абай» баспасынан шыққан 35 кітаптың тұсауы кесілді
28 қараша күні Ұлттық кітапханада «Абай» баспасы шығарған 35 кітаптың тұсаукесер рәсімі өтті. Кітаптың әр данасы – 1000 тиражбен шыққан. Аталған баспаның құрылтайшысы әрі директоры Ақберен Елгезек 35 мың дана кітапты басып шығаруға ешқандай мемлекет қаржысы жұмсалған жоқ дейді.