Оқу-ағарту министрі Жұлдыз Сүлейменова жекеменшік мектептерде оқушыларға хиджаб киюге рұқсат берілген жағдайда қандай шара қолданылуы мүмкін екенін айтты, деп хабарлайды Malim.kz.
Үкімет үйінде БАҚ өкілдерінің сауалына жауап берген министрден журналистер мұндай талапты бұзған жекеменшік білім беру ұйымдарына қатысты қандай шара қабылданатынын сұрады.
"Лицензиялау мәселесі бар – лицензиясын қайтарып алу. Бұдан бөлек те бірқатар тетік бар, оларды бірлесіп пысықтаймыз", – деді Жұлдыз Сүлейменова.
Министрдің айтуынша, жаңа оқу жылы басталғалы мектепке хиджаб киіп келген оқушыларға қатысты дерек тіркелмеген.
