«Келіспеген кездеріміз болды, онда тұрған ештеңе жоқ». Дулат Исабеков Мағауиннің отбасына көңіл айтты
ҚР Еңбек ері, Мемлекеттік сыйлықтың иегері, жазушы Дулат Исабеков қаламдас әріптесі Мұхтар Мағауиннің қайтыс болғанына орай, марқұмның отбасына, ормандай көп оқырманына көңіл айтты. Бұл туралы Abai.kz жазды, деп хабарлайды Malim.kz.
Рас, Мұхаң екеуіміз кейбір мәселелерде көзқарасымыз сәл үйлеспей, келіспей қалған кездеріміз болды. Бірақ онда тұрған ештеңе жоқ. Пікір қайшылығы деген бола береді. Бастысы, Мұхтар Мағауин – қазақ әдебиеті, қазақ руханияты үшін ғажап еңбектер жасап кетті. Бір ғана «Бес ғасыр жырлайдының» өзі неге тұрады? Сол заманда мұны ол жасамаса ешкім де жасамас еді. Зерттеу еңбектерінен бөлек, көркем шығармаларының өзі – ұлт тарихының үлкен галереясы. Бұлай өнімді еңбек еткен қаламгер бізде өте сирек. Иманы саламат, рухы шат болсын Мұхаңның!, деді жазушы Дулат Исабеков.
Фото: massaget.kz
Байланысты жаналықтар
MalimBlocks
Дулат Исабеков. Социализм зәулімі (Әңгіме)
Мәскеуде қандай қаулы қабылданбасын алдымен Алматыға жететін әдеті. Совет үкіметі орнаған күннен бастап съездер мен толып жатқан пленумдардың шешімі Россияның мыңдаған деревнялары мен басқа республикалардың үстінен төрт мың шақырым еш жерге аялдамай аман-есен ұшып өтіп, ең әуелі дәл осы жерде жүзеге асып жатады. Әлгі деревнялар мен республикалар орталықтың шешімін енді естігенде қазақстандықтар оған баяғыда-ақ бел шешіп кірісіп кеткен боп шығады. Істі кім бұрын бастаса, әдетте сол бұрын бітіреді ғой, сондықтан әлгі деревнялар мен республикалардың біреуі енді кірісіп, енді біреулері ойласып отырғанда Қазақстан орталыққа ол шешімнің орындалып біткені жайлы рапорт беріп, келесі қаулының кез-келгеніне кірісіп кету үшін алақанын ысқылап дайын отырады.
