2019 жылғы ақпан мен 2020 жылдың ақпаны аралығында азық-түлік бағасы 8,6% өскен. Бұл туралы Мәлім сайты Статистика агенттігіне сілтеме жасап хабарлайды.
Нан өнімдері және жармалар, ет, балық және теңіз өнімдері, сүт өнімдері, жұмыртқа, май және тоңмай, кондитерлік өнімдер, жаңа жиналған көкөністер мен жемістер, алкогольсіз сусындар және алкогольді ішімдіктер қымбаттап, ал қант арзандаған.
2020 жылғы ақпанда жарма өнімдері тобында қарақұмық жармасының орташа бағасы 1 килограмына 326 теңге (2019 жылғы ақпанда – 243 теңге), сұлы жармасы – 352 теңге (2019 жылғы ақпанда – 330 теңге), сөкке – 373 теңге (2019 жылғы ақпанда – 254 теңге), күріш – 376 теңге (2019 жылғы ақпанда – 323 теңге).
Құмшекердің орташа бағасы 2020 жылғы ақпанда – 185 теңге, ал 2019 жылғы ақпанда - 236 теңге болған.
2020 жылғы ақпанда сүт өнімдерінен сүзбе орташа бағамен 1615 теңгеден (2019 жылғы ақпанда – 1579 теңге), қаймақ – 1121 теңгеден (1050 теңге), айран – 300 теңгеден (286 теңге), пастерленген сүт 256 теңгеден (239 теңге) сатылып жатыр.
Байланысты жаналықтар
MalimBlocks
