Қазақстанда соңғы тәулікте 162 адамнан коронавирустық пневмония анықталды. Бұл туралы Malim.kz сайты Денсаулық сақтау министрлігіне сілтеме жасап хабарлайды.
Өткен тәулікте бұл қатерлі инфекциядан бір адам қайтыс болса, 104 адам жазылған. Бірінші тамыздан бері 43935 адам ауырып, 464-і көз жұмған екен. 31468 науқас жазылып шыққан.
«Қазіргі уақытта коронавирустық инфекциядан 14 060 адам ем қабылдауды жалғастыруда. Олардың арасында 1 049 бала бар. Стационарларда 4 057 науқас жатыр. 10 003 адам амбулаториялық жағдайда емделуде. Жалпы науқастардың арасында 234 адамның ахуалы нашар. Соның ішінде 29 науқастың ахуалы аса қатты ауыр деп бағалануда. 44 науқас өкпені жасанды желдету аппаратында жатыр», - делінген денсаулық сақтау министрлігі таратқан хабарламада.
coronavirus2020.kz сайтының хабарлауынша, елімізде коронавирус инфекциясын жұқтырғандар саны 141 мыңнан асып кеткен.
Фото: spirtnet.ru
Байланысты жаналықтар
MalimBlocks
Мүгедектікті белгілеу бойынша 52 мыңнан астам өтінім сырттай форматта қаралды
Мүгедектік тобын белгілеу жөніндегі қызметті алу үшін өтініш берушіге тұрғылықты жері бойынша емханаға жүгіну және қажетті тексеруден өту қажет, қалған процестер ақпараттық жүйелерді интеграциялау есебінен оның қатысуынсыз өтеді.
