Қуанышбек Ысқақовтың алғашқы "спектаклі"

Malim Админ

  • 19.02.2020

Бүгін Қызылорда қаласындағы Нартай БЕКЕЖАНОВ атындағы облыстық театрда облыс әкімі Қуанышбек ЫСҚАҚОВ алғашқы «спектаклін» қойды.
Облыс басшысының есебіне әдеттегідей көбіне мұғалімдер, дәрігерлер, полиция және басқа да мемлекеттік қызметкерлер қатысты. Жиын театрда өткесін әркім өзінше өз рөлдерін ойнады. Бастапқыда аймақ басшысы тұрғындарға  жыл бойы атқарылған жұмысын бір сағат бойы жіпке тізді. Залдың алдыңғы қатарында актив жиындарда әкімді күнде көретін шенеуніктер жайғасты. Театрдағы рөл демекші, маужырап, қалжырау үшін келгендер де өз шаруаларын мінсіз атқарды.


Әкімнің есебі аяқталған соң сұрақ-жауап кезеңінде де бірнеше тұрғын елдің ауызында жүрген мәселелерді сұрақ қылып қойды. Қысқасы, жауабы бар сұрақтар қойылды.

Оған әкім Ысқақов мүдірмей жауап берді. Өзі мүдірмей жауап беретін сұрақтар аяқтала бастағанда залда отырған егде жастағы ер кісі әкімге алғысын білдіріп, жиынды қорытындылайық деп халықтан рұқсат сұрағаны сол еді, өзін ЖСДП партиясының өкілімін деген Ләззат БАҚТЫБАЕВА қолына микрофон алды. Бағанадан барлық сұрақтарға саспай жауап берген аймақ басшысы аяқасты қойылған сұраққа қинала жауап қатты.


«Әкім болып тағайындалғалы сізбен кездесу бір бұйырмағандықтан осында келуге мәжбүр болдық. Бірінші қоятын сұрағым әлеуметтік желілерде жазылып жатқан мәселе жайлы. Қызылорда облысының қаржысы ысырап болып жатыр. Оған дәлел 2,6 млрд теңгеге Жаңақорған ауданында салынып жатқан мектеп. Қызылордада көп жерде жаяу жүргіншілерге жол жасалмаған. Дегенмен біз 1 млрд теңгеге Қазалы ауданында әкімдік ғимаратын, 1 млрд теңгеге мәдениет үйін салып жатырмыз. Бізде облыста ішкі саясат басқармасы және бөлімдері бар. Біз ЖСДП-ның осы өңірдегі филиалының жетекшісіміз. Түрлі қоғамдық-саяси жұмыстар атқарамыз. Бірақ ішкі саясат басқармасы, бөлімдердің басшыларымен екі жылдан бері кездесу бұйырмай жүр», - деді Ләззат Бақтыбаева.


«Жаңақорғандағы мектепке бөлінген 2,6 млрд теңгені мемлекеттік сараптама дұрыс деп тапты. Бір адамның капризінен артымызда тұрған бүкіл халықтың мәселесін далаға тастай алмаймыз», - деді Қуанышбек Ысқақов.


Осылайша әкім Қуанышбек Ысқақовтың есеп беру жиыны өзі күтпеген сауалмен аяқталды. Ұйқысы қанған жұрт та, жұмысынан қалғандар да қанша асыққанымен бірден кетпеді. Президент секілді жолға шыққан әкім картежі өткенше жол полициясы көшедегі басқа көліктерді бөгеп тұрды.

 

Абай НҰРЖАНҰЛЫ

Фотолар автордікі.

МАТЕРИАЛДЫ КӨШІРІП БАСУҒА БОЛМАЙДЫ. 

Байланысты жаналықтар

Актер Асқар Наймантаев өмірден өтті

02.12.2023

«Мacc-мeдиa тyрaлы» мaңызды құжaт – yaқыт тaлaбы

30.11.2023

«Абай» баспасынан шыққан 35 кітаптың тұсауы кесілді

28.11.2023

Бүркіт ақынды екінші рет өлтірген кім?

23.11.2023

Шетелде қазақ тілін оқыту әдістемесі жасалады

22.11.2023

Әншілердің фонограмма пайдалануына тыйым салу туралы петиция жарияланды

22.11.2023
MalimBlocks
Актер Асқар Наймантаев өмірден өтті

Ол ауыр дерттен көз жұмды

«Мacc-мeдиa тyрaлы» мaңызды құжaт – yaқыт тaлaбы

Eң aлдымeн, жyрнaлиcтiң жeкe мәртeбeci тyрaлы қaғидaттaрды aнықтaп aлып, жaңa зaңдa нaқ­тылaп бeлгiлey кeрeк

«Абай» баспасынан шыққан 35 кітаптың тұсауы кесілді

28 қараша күні Ұлттық кітапханада «Абай» баспасы шығарған 35 кітаптың тұсаукесер рәсімі өтті. Кітаптың әр данасы – 1000 тиражбен шыққан. Аталған баспаның құрылтайшысы әрі директоры Ақберен Елгезек 35 мың дана кітапты басып шығаруға ешқандай мемлекет қаржысы жұмсалған жоқ дейді.

Бүркіт ақынды екінші рет өлтірген кім?

5 миллион қазақтың мүддесін, 250 миллион советтіктердің мүддесінен  жоғары қойған

Шетелде қазақ тілін оқыту әдістемесі жасалады

Әрбір дамыған мемлекет әлемдік деңгейде өз тілін, әдебиетін, мәдениетін жер бетінде мүмкіндігінше көбірек адамдарға үйрету, насихаттау, таныстыру және сол арқылы тілдің әлеуетін арттырып отыр.

Әншілердің фонограмма пайдалануына тыйым салу туралы петиция жарияланды