СҚО-да 96 жасына қараған шағында соғыс ардагері Дмитрий Петрович Сергеев өмірден озды. Облыс әкімі әлеуметтік желіде ардагердің отбасы мен жақындарына көңіл айтты, деп хабарлайды Malim.kz.
Дмитрий Петрович 18 жасында соғысқа аттанып, жөндеу взводында, 72-ші байланысшылар жобалау-монтаж тобында бөлімше командирі болған. Оңтүстік Сахалин, жапон соғысына қатысқан. Екінші дәрежелі Отан соғысы орденімен, «Жапонияны жеңгені үшін» медалімен марапатталған. Соғыстан кейін Куйбышев және Ленин атындағы зауыттарда 30 жылдан аса еңбек еткен.
Дмитрий Сергеев – нағыз батыр, отанымыздың тарихындағы қиын-қыстау заманнан сүрінбей өткен азамат. Ардагеріміздің өмірі мен ерлігі жас ұрпаққа нағыз үлгі. Аға буынның ерліктері ешқашан ұмытылмауы керек. Дмитрий Петровичтың жарқын бейнесі мәңгі жадымызда, деп жазды әкім.
Фото: instagram/gaueznurmukhambetov
