«Шымбұлақ» тау курорты мен Kids Lab балалар орталығы бірлесіп балалар үйінің тәрбиеленушірене денсаулық күнін өткізді.
Бұл шараға №1 балалар үйіндегі тәрбиеленушілер қатысып, курортты және оның сұлу табиғатын тамашалап, сырғанақ теуіп қайтты.
Олар алдымен арнайы дайындалған тәжірибелі гидтердің бастауымен Тұйық су шатқалына барды. Бұл атақты альплагердің тарихы бір бөлек, бас айналдырар құз-жартастары мен мұздықтары, көрінісінің өзі бөлек әңгіме. Балалар биік шыңның тарихын біліп, атақты альпинистер жайлы естіді. Оларға мұнда қар барысының іздері ұшырасатыны ерекше әсер еткені сөзсіз.
Бұл қызықты саяхаттан кейін сырғанақ теуіп, квадроциклға мінді және аспары арқан жолдармен жүріп, көңіл көтерді.
