Қазақстанда омикрон штамының анықталуына байланысты эпидемиологиялық жағдайға үш сценарий бойынша болжам жасалды.
Денсаулық сақтау министрі Ажар Ғинияттың сөзінше, оптимистік сценарий бойынша, ревакцинациямен 100 пайыз қамтып, алдын алу шараларын жаппай сақтаған жағдайда тәулігіне 17 мыңнан аса жағдай тіркеледі.
«Шынайы сценарийге байланысты, ревакцинациямен 70 пайыз қамтылған жағдайда тәулігіне 25,5 мың жағдай тіркелуі мүмкін. Ал пессимистік сценарий бойынша, ревакцинациямен 40 пайыз қамтылған жағдайда тәулігіне 40 мың жағдай тіркелуі мүмкін», - деді министр.
Айта кетейік, 11 қаңтарда жаңа Үкімет құрамы бекітіліп, Ажар Ғиният Денсаулық сақтау министрі болып тағайындалған болатын.
