Бектенов «Самұрық-Қазына» экономикасын әртараптандырудың маңыздылығын атап өтті

Қор Қашаған кен орнында қуаты 1 млрд м3 болатын газ өңдеу зауытын салуды жалғастыруда, ондағы мақсат – шикі мұнай өндіруді ұлғайту және шикі ілеспе табиғи газды ұтымды пайдалану.

Берік Дәулетов

  • 24.06.2024

Премьер-министр Олжас Бектенов ірі инвестициялық жобаларды іске асыру мәселелері бойынша «Самұрық-Қазына» ұлттық әл-ауқат қоры» АҚ Директорлар кеңесінің отырысын өткізді, деп хабарлайды Malim.kz.

Мұнай-газ, мұнай химиясы, энергетика, көлік-логистика, тау-кен секторларындағы жобалардың қазіргі жағдайы қаралды. Стратегиялық маңызы бар бастамалар тізбесіне жиынтық сомасы 26,9 трлн теңге болатын 44 жоба кіреді, олардың 11-і бойынша құрылыс-монтаж жұмыстары жүргізілуде. Аталған жобаларды іске асыру нәтижесінде Қазақстанда құрылыс кезеңінде 53 мыңнан астам жұмыс орны және пайдалану кезеңінде шамамен 11 мың жұмыс орны ашылатын болады. 

Экономика үшін басым жобаларды қаржыландыру көлемін ұлғайтуға ерекше назар аударылды. Биыл 105,1 млрд теңге объектілерді газдандыруға, 272 млрд теңге жалға берілетін тұрғын үй салуға, 680 млрд теңгеден астам сома инвестициялық жобаларды іске асыруға бағытталатын болады. Бұдан басқа, «Самұрық-Қазына» Екібастұз ГРЭС-2-ні кеңейту және реконструкциялауға, «Талдықорған – Үшарал» магистральды газ құбыры мен «Дарбаза – Мақтаарал» теміржол желісін салу үшін қаражат тартуға ниетті. 

Қор Қашаған кен орнында қуаты 1 млрд м3 болатын газ өңдеу зауытын салуды жалғастыруда, ондағы мақсат – шикі мұнай өндіруді ұлғайту және шикі ілеспе табиғи газды ұтымды пайдалану. Сондай-ақ мұнай-газ химиясы саласын одан әрі дамыту – полиэтилен шығару жөніндегі газ-химия кешенін және полиэтилен шығаратын зауытты шикізатпен қамтамасыз ету үшін газ бөлу кешенін салу жоспарда бар.

Үкімет басшысы Қор экономикасын әртараптандырудың маңыздылығын атап өтіп, барлық еркін өтімділікті стратегиялық маңызды жобаларды іске асыруға және негізгі салаларды қолдауға бағыттауды тапсырды.  

Олжас Бектенов Қордың сатып алуындағы ел ішіндегі мүмкіндіктер үлесін 88%-ға дейін арттыруды тапсырды (2024 жылғы 5 айдың қорытындысы бойынша игерудегі жергілікті қамту үлесі – 61%). Айта кетейік, биылғы қаңтар-маусым айларының деректері бойынша отандық өндірушілермен жасалған келісімшарт саны өткен жылдың көрсеткіштерімен салыстырғанда 2 есеге артқан.

Фото: Үкімет

Байланысты жаналықтар

Инклюзивті қоғам: 108,9 мың адам жұмыспен қамтылды

21.05.2025

Орталық Азия: Геосаяси жағдайдағы Қазақстанның рөлі

19.05.2025

Жезқазғандағы шаруашылық-ауыз су тазарту құрылыстарын реконструкциялауға қанша бөлінді?

19.05.2025

Роман Скляр жұмыс сапарымен «Нұр Жолы» өткізу пунктінің өндірістік қызметімен танысты

18.05.2025

Кәсіпкерлер "Ulttyq ónim" көрмесінде өз жетістігін паш етті

17.05.2025

Бектенов сарапшылармен экономиканың даму мәселелерін талқылады

17.05.2025
MalimBlocks
Инклюзивті қоғам: 108,9 мың адам жұмыспен қамтылды

Инклюзивті кабинеттер ашу мәселесі де маңызды міндеттердің бірі

Орталық Азия: Геосаяси жағдайдағы Қазақстанның рөлі

Шетелдік капитал иелері алдымен Қазақстанның соңғы жылдардағы сыртқы іскерлік байланыстарына назар аударады

Жезқазғандағы шаруашылық-ауыз су тазарту құрылыстарын реконструкциялауға қанша бөлінді?

Роман Скляр жұмыс сапарымен «Нұр Жолы» өткізу пунктінің өндірістік қызметімен танысты

Кәсіпкерлер "Ulttyq ónim" көрмесінде өз жетістігін паш етті

Бектенов сарапшылармен экономиканың даму мәселелерін талқылады