Қазақстан халқы банктерге 17,8 трлн теңге қарыз
Банктердің халыққа берген несиелері 2024 жылдың басынан бері 6,4%-ға ұлғайды
Қаржы нарығын реттеу және дамыту агенттігі 2024 жылдың алғашқы 5 айына қатысты деректер ұсынды, деп хабарлайды Malim.kz.
Банктердің халыққа берген несиелері 2024 жылдың басынан бері 6,4%-ға ұлғайып, 17,8 трлн теңгеге жетті. Халыққа берілген несиелердің өсуі тұтынушылық несиелердің 1,4%-ға (11,1 трлн теңгеге дейін), сондай-ақ ипотекалық несиелеудің 0,6%-ға (5,5 трлн теңгеге дейін) ұлғаюымен байланысты.
Сәуірде халыққа ұлттық валютада берілген несиелер бойынша орташа алынған сыйақы мөлшерлемесі 19,8% болды. Наурызда несиелер сәл арзандап, 19,1%-ға түсті.
Ал жеке тұлғалардың депозиттері бойынша сыйақы мөлшерлемесі 13,7% (2024 жылғы наурызда – 13,8%) болды.
Халық арасында 90 күннен астам мерзімі өткен берешегі бар несиелердің деңгейі 3,8% немесе 672 млрд теңгеге жетті.
Фото: pixabay.com
