Қазақстанда салық органдары азаматтардың табыс тарихын тексеру бойынша жаппай тексерулер бастады — тіпті 2021 жылы жасалған криптовалюта операцияларын да тексереді. Енді биткоин сатып алғандар, шетелде есепшот ашқандар немесе шетелдік криптобиржаларды пайдаланғандарға салық салынуаы мүмкін, - деп хабарлайды Malim.kz тілшісі inbusiness.kz-ке сілтеме жасап.
Салық салу саласындағы сарапшы және ProНалоги Қазақстан арнасының авторы Айдар Масатбаевтың айтуынша, салық инспекторлары Қазақстан азаматтарының барлық криптобиржадағы транзакциялар туралы толық мәліметтерді алған. Бұл ақпарат Қазақстанның Астана халықаралық қаржы орталығында (МФЦА) тіркелген барлық криптобиржадан және халықаралық салықтық ақпарат алмасу туралы келісімге қосылған шетелдік биржалардан алынған.
Бір қызығы, бұл деректер тек 2023 жылды ғана емес, сонымен қатар, 2021-2022 жылдарды да қамтиды. Бұл, кейбір шетелдік криптобиржалар МФЦА-ға қосылып, Қазақстан салық органдарына өздерінің бұрынғы және қазіргі тұтынушылары туралы толық мәліметтерді бере бастағаннан кейін мүмкін болды.
Осының нәтижесінде, тіпті Дубай немесе Бахрейнде криптовалюта сатып алғандар да салық органдарының базаларында тіркелген.
Айтпақшы, 2021-2022 жылдардағы Қазақстанның Салық кодексінде сандық активтерді нақты реттеу болмағанын атап өту керек. Бірақ ескі редакциядағы 331 және 332 баптардың кемшіліктері салдарынан азаматтар пайдадан емес, бүкіл мәміле сомасынан салық төлеуге міндетті болуы мүмкін.
Криптовалютадан алынған табыстарын жарияламағандарға мынадай қауіптер төнеді:
- - салықты қайта есептеу;
- - 2022 жылғы 10 сәуірден бастап айыппұл;
- - Әкімшілік құқық бұзушылық кодексінің 278-бабы бойынша айыппұл — 10 МРП;
- - немесе салық объектілерін жасыру кезінде — төленбеген сомаға 200% айыппұл.
Масатбаевтың айтуынша, егер сізде мұндай операциялар болса, ең жақсысы — дұрыс декларация тапсырып, барлық міндеттемені ерікті түрде төлеп, санкциялардан аулақ болу.
Фото: pixabay.com
