Шымкент қаласының әкімі тұрғын үйлердің құрлысымен танысты
Шымкент қаласының әкімі «Нұрлы жер» бағдарламасымен салынып жатқан үйлердің сапасын тексеріп, құрлыс қарқынымен тасып шықты. Әкім Мұрат Әйтенов тұрғын үйлердің сапасына ерекше мән бере отырып, құрылыс қарқынын арттыруды тапсырды.
Мемлекеттік бағдарламаның шеңберінде Тұран шағын ауданында 88 үйдің құрылысы жоспарда бар. Бұл үйлерде 5576 пәтер болмақ. 2020 жылы 27 үй пайдалануға берілген. Ал,биыл қалған 61 тұрғын үйдің құрылысы басталады. Бұл үйлердегі пәтер саны 3848. Бүгінде 37 үйдің құрылысы жүргізіліп жатса, 24 үйдің құрылысы енді басталады.
Осы жылдың аяғында 108 мың шаршы метр болатын 29 үй пайдалануға беріледі. Осылайша тағы 1880 отбасы баспаналы болады. Қалған 32 үйдің құрылысы келесі жылдың еншісінде.
Тұрғын үйлердің құрылысын «Отау–Строй» ЖШС, «А.Р.Т-Құрылыс» ЖШС, «Корпорация Ақ ордасы» ЖШС, «Корпорация «Сити-Строй» ЖШС, «Авторемстрой ЛТД» ЖШС, «СК Реал-Строй» ЖШС, «ПМК-7К» ЖШС, «Hadid» ЖШС және «SHEBERBUILD» ЖШС сияқты бас мердігерлер жүргізуде.
