Шымкент басшылығы шикізаттан дайын өнім өндіру саласына басым бағыт бергелі қалада кәсіпорындар ашылып, тұрақты жұмыс орыны да көйе түсуде. Соның бір мысалы шаһарда екі ірі инвестициялық жоба жүзеге асырылып жатыр. Соның бірінде сағатына 3 тонна жеміс-көкөністі қайта өңдейтін кәсіпорын құрылысы қарқынды жүруде. Бұл жобаның құны 400 млн теңге.
Ал екіншісі сағатына 7 тонна жеміс-көкөністі өңдей алатын кәсіпорын. Жоба құны 1 млрд. 318 млн. теңге. Құрылысы бір екі күнде басталмақ.
Шымкент қаласы әкімдігі таратқан дерекке қарасақ, биыл ауыл шаруашылығы саласында инвестициялық 28 жоба жүзеге асырылады екен. 71,7 мың тонна бидай, арпа, жүгері, көкөніс, бақша, картоп, жеміс сынды өнімдер осында кәсіпорындарда өңделіп, дайын өнімге айналмақ.
