Эр-Риядта (Сауд Арабиясы) өтіп жатқан VI Ислам ынтымақтастығы ойындарында Қазақстанның ауыр атлетика құрамасы жалпы есепте 11 медальға қол жеткізді. Оның үшеуі - алтын, төртеуі - күміс және тағы төртеуі қола медаль, деп хабарлайды Malim.kz.
Спорт және дене шынықтыру істері комитеті VI Ислам ынтымақтастығы ойындарындағы ауыр атлеттер ойынының қорытындысын жариялады.
Сонымен алтын медальдар иегері:
Нұрғиса Әділетұлы (94 кг) — жұлқа көтеру, серпе көтеру және қоссайыс бойынша үш алтын.
Күміс медаль иегерлері:
- Едіге Емберді (79 кг) — серпе көтеруде күміс медаль,
- Любовь Ковальчук (+86 кг) — жұлқа көтеру, серпе көтеру және қоссайыс бойынша үш күміс.
Қола медаль алғандар:
- Едіге Емберді (79 кг) — жұлқа көтеру мен қоссайыста екі қола.
- Аянат Жұмағали (77 кг) — серпе көтеру мен қоссайыс бойынша екі қола.
